LAOAG CITY – Pinirmaan ni US President Donald Trump ti memorandum a mangibilbilin iti amin nga empleado ti Department of Homeland Security a mabayadan uray adda ti partial a government shutdown.
Ti nasao nga addang ket kalpasan ti immuna a direktiba ni Trump para iti Department of Homeland Security a bayadan amin dagiti Transportation Security Administration tapno mapunoan dagiti kurang a tao kadagiti erupuerto.
Nailanad pay iti pammilin ni Trump iti Department of Homeland Security a masapol a maaddaan ti koordinasyon iti Office of Management and Budget tapno usaren ti pondo.
Maipalagip nga idi Huwebes ket inaprubaran ti Senado ti nailungalong a linteg nga apagapaman a panaglukat ti departmento a maysa nga addang tapno malpasen ti government shutdown.
