LAOAG CITY – Nagsinnukat ti kapanpanunutan da Unites States Vice Pres. Kamala Harris ken ni dati nga Unites States President Donald Trump gapu iti takderda maipanggep iti aborsion kabayatan ti Presidential Debate.
Inkari ni Harris a no mangipasa ti Kongreso iti bill a mangisubli kadagiti proteksion nga inpanamnama ni Roe v. Wade, sipapannakkel a pirmaanna daytoy nga agbalin a linteg no mangabak a Presidente.
Kinondenarna dagiti panangiparit iti aborsion iti lebel ti estado nga inladawanna dagiti estoria dagiti masikog a babbai a saan a makagun-od iti emerhensia a medikal a pannakaaywan.
Kinontrana pay ni Trump gapu iti akemna iti pangngeddeng ni Dobbs v. Jackson Women’s Health Organization a nangisubli kadagiti karbengan iti aborsion.
Inakusaran ni Harris ni Trump a planona nga otorisaran ti nasional a panangiparit iti aborsion no isu ket mabutosan manen.
Kabayatanna, idi napagsaludsodan no i-veto-na ti federal abortion ban a dimmanon iti lamisaanna iti maikadua a termino, nagkedked ni Trump a sumungbat nga inpettengna a saan nga isyu daytoy gapu ta pulos a saan nga ipasa daytoy ti Kongreso.
