LAOAG CITY – Ad-adalen ni Surigao del Norte Rep. Robert Ace Barbers, Chairman ti House Quad Committee a mangipasa ti gakat a mangipataw ti pannusa kadagiti abugado a mangasistir iti testigona kalpasan a nangipaay ti nasapataan a testimonya ket kellaat nga ibabawina.
Inbatad ni Barbers a masansan a mapaspasamak ti kellaat a panagbaliktad ti testigo ken arig agbalbalinen daytoy a kultura.
Inlawlawag ni Barbers a ti asinoman nga indibidual no agaramid ti nasapataan a sarita ket baybayabayan ti abugado.
Kunana nga adda ti papel dagiti abugado gapu ta no agek-execute ti affidavit ket tartarabayenda dagiti klienteda.
Inpalgakna a no mangipaay ti nasapataan a sarita ti maysa a tao ket salsaluden isuda dagiti abugado gapu ta tingitingenda ti testimonia daytoy nga isubmitirda iti korte wenno aniaman nga imbestigasion.
Innayon pay ni Barbers a kasapulan a maamendaran ti linteg maipanggep iti perjury.
