LAOAG CITY – Kiniddaw ti abugado ni Charlie “Atong” Ang a saan nga iraman ti negosiante iti kaso dagiti mapukpukaw a mammallot.
Iti inaramid a panangipila ti petision iti Department of Justice (DOJ) ni Atty. Gabriel Villareal, inpettengna nga awan ti pakainaigan ti klientena iti kaso a kidnapping ken serious illegal detention a naipila iti Manila Regional Trial Court.
Kunana a ti akusasion ken ni Ang ket naggapu iti panangibabawi ti salaysay ni Julie Patidongan.
Inpaganetgetna a nalawag a ti panangibabawi ni Patidongan iti salaysay daytoy a saan nga utek iti nasao a krimen ni Ang.
Masdaaawda no apay a nagbaliw ti panunot ti Department of Justice a kasoan ni Patidongan ken ita ket rumrummuar nga arig baybay-anda a pilaan ti kaso ni Ang.
Namunganay ti kaso iti pannakapukaw dagiti mammallot no sadinno a ti maitudtudo nga akin-utek ti nasao nga insidente ket ni Ang.
Saan met a masinunuo ni Villareal no ayanno ita ni Ang ngem mamati isuna nga adda ditoy Pilipinas.
