LAOAG CITY – Ada-adda nga agatalek ni ACT Party List Representative Congresswoman France Castro ken ni Sen. Sonny Angara a kas Department of Education Secretary.
Segun kenkuana, ad-adu ti kapadasan ni Sen. Angara paanggep iti sektor ti edukasion ken adda dagiti insingasingna a linteg panggep iti edukasion kas iti Free Tertiary Quality Education For All ken maysa kadagiti author ti K-12 program.
Namnammaenna a dagiti dutukan ni Sen. Angara kas Undersecretary ken Asst. Secretary ket dagiti adda tia kapadasanna iti edukasion wenno naggapo iti sektor ti edukasion tapnu malaay-ayan daytoy na mapabago situsion ang edukasion sa bansa.
Mainaig iti daytoy, namnamaenna pay a ni Sen. Angara ti mangidaulo kas kameng ti Committee on Appropriations a mangipangato ti budget ti edukasion iti 6% ti Gross Domestic Product kadagiti proyekto a kas iti pannakaipasdek dagiti classroom ken school buildings, agraman ti panangingato iti sueldo dagiti mannursuro ken empleado ti gobierno .
Innayonna a kontraenna no abailang man agkiddaw ti Senador a mangilatang iti confidential fund para iti Deparatment of Edaucation, gapu ta patienna a saan nga intelligence agency ti ahensia.
Kabayatanna, inpaganetget ni Castro ti kinapateg ti kalidad ti edukasion ken umno a pannakausar ti budget tapnu masolbar dagiti parikut iti sektor ti edukasion.
