LAOAG CITY – Ad-adda pay a mapapintas ti dakkel a resort iti Barangay Calayab ditoy siudad ti Laoag iti babaen ti tulong ti Provincial Government of Ilocos Norte.
Daytoy ket kageddan iti panangikagumaan ti gobierno probinsial a maisubli ti dati a naruay dagiti turista ti agturturong iti nasao a lugar.
Mainaig iti daytoy, posible a matungpal daytoy a gagem ti gobierno probinsial no bilang maipursige a maipasubli ti pannakalukat ti casino ken golf course.
Naammoan a malaksid iti daytoy ket plano pay a maisubli dagiti international flights ditoy probinsia tapno ad-adu dagiti turista ti bumisita ken ad-adda a dumur-as ti ekonomia.
Maipalagip nga adda dagiti sumagmamano a pasilidad ti saanen nga agop-operar rason a kalikagum ti gobierno probinsial a maminsan manen daytoy a biagen tapno makapastrek ti probinsia.
