LAOAG CITY – Adda pay ti nasurok a 30-milyon a pisos a nabati a pondo ti Social Amelioration Program (SAP)ditoy ciudad ti Laoag.
Daytoy ti kinumpirmaran ni Mrs. Ruby Bunalade, OIC iti City Planning and Development Office iti ciudad.
Inlawlawag ni Bunalade a ti nasao a gatad ket maited kadagiti saan a nakaawat ti cash assistance manipod iti DOLE.
Iti agdama, maiyur-uray laengen ti pinal a listaan dagiti maikkan ti ayuda.
Mainaig iti daytoy, inbaga ni Bunalade nga ado latta dagiti agrirriri a saan a naala a benepisyaryo ti SAP isut gapuna a no adda ti mavalidate da a kwalipikado ket mabalin da latta nga inayun iti listaan.
