LAOAG CITY – Patien ni Mr. Arthur Valente, Fishery Regulatory Coordinator nga adda ti panagkurkurang ti suplay ti galunggong ditoy pagilyan.
Segun kenni Valente, bassit pay dagiti makalapan iti nasao a klase ti lames.
Inlawlawag na a malaksid laeng iti kalamidad a rason no apay a bassit ti makalapan, no diket uray pay iti panagkalap no sadinno a maala dagiti agit-itlog pakairamanan dagiti babassit pay a galunggong.
Gapo iti daytoy, kunana a narigat ti mangpaado kadagitoy isut gapo na a saan kuma a maala dagiti babassit, ken nasken nga adda kuma ti maipatungpal closed season a kas iti napasamak iti napalpalabas a tawen a nagpaot agingga iti tallo a bulan.
Mainaig iti daytoy, inbatad ni Valente nga uray adda ti panagangkat ket saan nga isu ti mangpababa iti presyo ti galunggong nangruna ket limitado met laeng ti maangkat no ikumpara iti demand.
