LAOAG CITY – Inbatad ni Jail Senior Inspector Rodel Cadpino iti Bureau of Jail Management and Penology (BJMP) ditoy ciudad ti Laoag nga addan ti 33 a balud a nakarwar kalpasan a nakapagpiyansa da.
Daytoy ket babaen iti inparuk-at nga Administrastive Circular ti Korte Suprema.
Segun ken ni Cadpino, dagiti napalubusan nga agpiyansa ket dagiti nakunviktaran a mabalud iti nababba ngem innem a tawen.
Inbaga na nga ado pay dagiti namnamaen da a makarwar gapu iti administrative circular kadagiti sumarsaruno a lawas.
Innayon na a kaadoan kadagiti nakarwaren ket sumangsango ti kaso mainaig iti illegal a droga.
Kabayatanna, inpakaammo ni Cadpino a manipod iti 190 a balud iti BJMP ket 130 laengen dagiti nabati.
