LAOAG CITY – Inpakaammo ni Bombo International News Correspondent Rene Ballenas manipud idiay New Jersey, United States of America nga addan ti 60 a porsiento ti nabilangen a butos iti 2024 US Presidential Election.
Segun kenkuana, ti nasao a bilang ket katukad ti 120 a milyon a butos ti nabilangen.
Inbatadna nga iti popular votes ket nakagun-od ti sumurok 62 a milyon ni dati nga United States President Donald Trump idinto a sumurok 58 milyon ken ni United States Vice President Kamala Harris.
Inlawlawagna nga arig lamang amin ni Trump kadagiti swing states wenno battle ground states.
Mainaig iti daytoy, kunana nga awan ti epekto kadagiti Amerikano ti maiwarwaras a damag maipanggep iti bomb threat.
