LAOAG CITY – Addan ti mabalin a pagrehistroan iti online para ti saliva testing.
Daytoy ti inpakaammo ni Mrs. Edna Orcino, Administrator ti Philippine Red Cross – Ilocos Norte Chapter.
Inlawlawagna a masapul nga agrehistro da nga umuna iti online sakbay a maalaan daytoy ti specimen para iti testing.
Basar iti link, ditoy a mabalin da nga agbook ti appointment no sadinno a mabalinda a pilyen no ania nga aldaw ken oras da a mabalin da nga agpatest.
Kabayatanna, inbatadna a no saan unay a masurotan ti online booking para iti saliva testing ket mabalin da laeng nga icontact ti hotline ti PRC wenno mabalinda a mapan iti opisinada tapno maasistaran dagitoy.
Kunana a ti wagas ti panagbayad ket mabalin a thru Debit/Credit, Gcash, Paymongo ken addan to pay ti ipost da a Bank details a mabalinda a pagidepositoan.
Inbatadna nga agarup 42 dagiti mabalin da nga akomodaren iti kada aldaw ken mangrugi iti alas-otso ti bigat agingga iti alas-res ti malem ken sag-10 a minutos ti kabayag ti panagala da ti samples.
