LAOAG CITY – Kinumpirmaran ti Department of Energy (DOE) a nakitaripnong ni Undersecretary Ronald Conquilla ken ni Ambassador Ricardo Luis Bocalandro ti Argentina.
Daytoy ket para iti potential partnerships iti Argentina para iti liquefied natural gas (LNG) ken iti renewable energy.
Basar iti Department of Energy, daytoy ket kas suporta iti clean energy transition ti Pilipinas iti baet ti Middle East conflict.
Inpetteng ti ahensia a napateg dagiti kastoy nga addang gapu ta ti international cooperation ket addaan ti dakkel a papel iti panangpapigsa ti energy security ti pagilian ken iti panangilungalong ti energy mix.
Inpasigurado ti Energy Department ti agtultuloy a panangpaiget iti pannakikoordinar kadagiti international partners para iti panangitandudo iti energy independence.
