LAOAG CITY – Nakigtot dagiti nagatendar iti regular session iti konseho ditoy ciudad ti Laoag gapu iti linaon ti kararag ni Konsehal Edison Chua.
Basar iti kararag ni Chua, kiniddaw na iti Diyos ti panangipaay na ti naan-anay a sirib kadakuada ken iturong na dagitoy iti umiso a desisyon iti amin nga aramiden da.
Kuna pay ni Chua a saan koma nga iturong ida ti Diyos nga agbalin a nagamrod iti turay, managimbubukod gapu iti ambisyon, manggulib, egomaniac wenno nangato purwana, eradical behavior, ken makarma.
Saan metten a nailawlawag ni Chua no apay a kastoy ti nagbalin a linaon ti kararag na kabayatan ti regular session iti konseho ditoy ciudad ti Laoag.
Nupay kasta, possible nga adda ti kayat nga iparangarang ni Chua mainaig iti mapaspasamak iti konseho ditoy ciudad kangrunaan na ket mapaspasangasangan ti May 2022 election.
