LAOAG CITY – Inadmitir ni Atty. Neri Colmenares a nakigtot gapu ti saan a panangperma ni Presidente Rodrigo Duterte ti executive order para ti panagngudo koman ti contractualization ditoy pagilyan.
Inpetteng na a ni laeng presidente Duterte ti nangikari idi kampanya a babaen kenkuana ket agngudo ti contractualization ditoy pagilyan.
Kuna ni Colmenares nga ado dagiti nangnamnama a tungpalen ti presidente ti kari na ngem kalpasan a saanna a pinirmaan ti EO ket ado dagiti mangmangged a nadismaya kangrunaan na dagiti nangsuporta ti presidente.
Inbatad ni Colmenares a saan koma a mamatpati ti presidente a matay dagiti negosyo no maikkat ti contractualization ditoy pagilyan.
Innayon na a mangnamnama a mailaban to met laeng daytoy dagiti mangmangged.
