LAOAG CITY – Adalen ti Armed Forces of the Philippines (AFP) ti binolan a pension dagiti retired officers iti baet dagiti report a sumagmamano a retirees ti agpanpanawagan iti militar nga ibabawi ti suporta ken ni Presidente Ferdinand Marcos Jr.Miss Universe merchandise
Iti maysa a press conference, nasaludsud ken ni Armed Forces of the Philippines spokesperson Col. Francel Margareth Padilla no possible a mapukawan ti binolan a pension dagiti retirado nga opisyal nga adda iti likudan ti panawagan.
Insungbat met ni Padilla a no aniaman ti desisyon ti legal channel ket isu ti suruten da.
Nagballaag ti opisyal a dagiti rakurak a mangidurduron ti sedisyon ken panagiwarwaras ti fake news ket adda ti kasukat na a legal consequences.
Inlawlawag pay ni Col. Padilla a sibilyanen ti kategorya da, ngem gapu ta agpenpension dagiti maseknan ket adalen d no ania ti rebbeng nga ipatungpal da.
Kabayatanna, inbatad ni Philippine Navy Rear Admiral Roy Vincent Trinidad a ti kangatoan a ranggo ti retirado a military officer a namonitor da a nagiwaras ti fake news kete two-star general nga agaw-awat ti pensiyon a P160,000.
Kuna na a karaman iti ad-adalen ti legal officers ti Armed Forces of the Philippines ket ti pagsungsungbatan no agawat ti pension manipod iti gobierno.
Maipalagip nga immunan nga inadmitir a mismo ni Armed Forces of the Philippines chief-of-staff Gen. Romeo Brawner Jr. a sumagmamano a retirado a military officer ti nagpanawagan para iti pannakaibabaw ti suporta iti presidente iti baet dagiti naibutaktak nga anomalya iti flood control projects, ngem kinontra daytoy ti AFP chief isut gapuna a saan a naipatungpal.
