AFP, inpasigurado na a saan a maapektaran dagiti residente ditoy Rehiyon Uno iti “all-out war” kontra iti CPP-NPA

LAOAG CITY – Inpasigurado ni Pol. Major Ericson Bolusan, ti pannakangiwat ti Northern Luzon Command (NapolCom) nga awan dagiti residente ditoy Rehiyon 1 ti mairaman iti indeklara ni Presidente Rodrigo Duterte nga “all-out war” iti PNP ken AFP kontra iti CPP-NPA.

Inbatad ni Bolusan a dagiti lugar a posible a pakapasamakan ti engkwentro iti nagbaetan ti PNP ken AFP kontra iti rebelde a grupo ket iti Abra, Ilocos Sur, Benguet ken Mountain Province.

Kunana a karaman iti pwersa ti Northern Luzon Command ti 5^th ken 7^th Infantry Division ti Philippine Army, Tactical Operations ti Philippine Air Force ken Naval Forces Northern Luzon.

Inpasingked na a saan nga agsardeng dagiti kameng ti Northern Luzon Command a mangmonitor kadagiti lugar a posible a papanan dagiti miyembro ti NPA.