LAOAG CITY – Dinayaw ni Mayor James Bryan Alcid ni Konsehal Jason Perera iti panangmanihirna ti trapiko iti paset iti Rizal Street ditoy siudad ti Laoag iti kallabes.
Segun kenkuana, ti inaramid ni Perera ket serbisio a saan a karaman iti legislative a trabahoda.
Inbatadna nga adda ti pammagbagana kadagiti maseknan a traffic enforcer no apay nga awan ti nangmanihir iti trapiko kadayta nga oras.
Inlawlawagna a naammoanna a nagbalbaliw ti schedule dagiti traffic enforcer no sadinno a naisubli manen ti dati a nga orasda.
Nu pay kasta, binilin ti Mayor nga isublida ti dati nga oras wenno iti panag-overtime tapno adda met laeng mangkita iti trapiko.
Innayonna a masapul nga urnosen ti traffic code tapno maliklikan ti panagirot ti taray ti trapiko iti Rizal Street ditoy siudad ti Laoag.
