LAOAG CITY – Umabot iti agarop 121, 791 a displaced and disadvantaged workers iti Region 1 ti nabenepisyaran manipod iti emergency employment program a naawagan ti Tulong Panghanapbuhay sa Ating Displaced/Disadvantaged Workers (TUPAD) para iti umuna semester ti 2022.
Daytoy ket basar iti report ti Department of Labor and Employment Regional Office 1 (DOLE RO1).
Inbatad ni DOLE Regional Director Atty. Evelyn R. Ramos nga umabot iti P523, 328, 504.00 ti naiparuk-at ti opisina para ti pannakaiyimplementar ti TUPAD.
Karaman ditoyen ti sweldo para kadagiti workers ken dagiti naigatang kadagiti PPEs ken insurance coverages.
Sumagmamano pay a paset ti nasao a gatad ket naipsweldo kadagiti coordinator ti TUPAD ken dadduma pay.
Maipalagip a dagiti benepisyaryo ti TUPAD ket agtrabaho ti 10 agingga iti 15 nga aldaw iti ayanda a barangay, kas ti agdalos, ag-disinfect, agmula ken dadduma pay.
Naamoan a ti kada TUPAD worker ket makaawat ti sweldo a P340 iti kada aldaw.
