LAOAG CITY – Umabot iti 300 a Pilipino a naapektaran ti manarimaan a tension iti Middle East gapu iti United States-Iran conflict ti natalged a nakasubli ditoy pagilian.
Segun iti Department of Migrant Workers (DMW), adda ti pakabuklan a 299 a Pilipino ti nakasublin ditoy pagilian no sadinno a dagitoy ket umuna laeng a batch dagiti kadaraan manipod iti Dubai.
Inbatad ti Department of Migrant Workers a 23 kadagiti simmangpet ket overseas Filipino workers ken dua ti ubbing.
Sinarabo da Department of Migrant Workers Secretary Hans Leo Cacdac ken dagiti mangibagi ti Overseas Workers Welfare Administration (OWWA) dagiti simmangpet a Pilipino manipod idiay Dubai.
Maipalagip nga adda ti nasurok a sangaribo nga Overseas Filipino Workers ti nangirakurak a kayat dan ti agawid ditoy pagilian gapu iti tension iti Middle East.
