LAOAG CITY – Agarop P1.8 bilyon ti balor dagiti laptops ken smart televisions a maibunong kadagiti pampubliko a pagadalan iti intero a pagilian.
Daytoy ti inpakaammo ti Department of Education (DepEd).
Basar iti Department of Education, umabot iti 62,000 a laptops ken smart TVs ti maibunong mangrugi iti maikadwa a kwarter ti tawen.
Inpasigurado ti Department of Education iti alisto a panaggatang kadagiti items iti babaen ti Early Procurement Activities (EPA) iti umuna nga innem a bolan sipud nagtugaw iti pwesto ni Education Secretary Sonny Angara.
