Inpakaammo ti Department of Agriculture nga agarup 200,000 nga ektaria ti apit ti mabalin a maapektaran iti tropical depression (TD) “Aghon”.
Inpadamag ti weather state bureau nga iyeg ti Aghon ti tudo iti Eastern Visayas ken iti daya a paset ti Southern Luzon manipud Sabado agingga iti Domingo, Mayo 25 agingga 26.
Mainayon pay, mabalin met a mapasaran ti tudo ti dadduma a paset ti Central Visayas ken napigsa nga angin gapu iti tropical depression.
Inpakaammo ti Department of Agriculture a manamnama a dumteng ti tropical depression iti Region II, Region V, Region VIII, ken Region XIII.
Maibasar iti datos manipud iti departamento ti agrikultura, agdagup iti 199,268 nga ektaria ti standing crops dagiti nadakamat a rehion.
