LAOAG CITY – Agbalin a nasipnget ti panangsarabu ti baro a tawen dagiti residente idiay Puerto Rico gapu ta kagudua pay ti nasao a pagilian ti saan a naisubli ti suplay ti kuryente.
Segun kenni Rico Suave residente ti San Juan, Puerto Rico, makapaspasar pay laeng dagiti residente iti amianan a paset ti nasao a pagilian ti kaawan ti kuryente.
Kuna na a marigatan dagiti otoridad ti pannakaisubli ti kuryente.
Maipalagip a dinuprak ti Hurricane Maria ti Puerto Rico idi bulan ti Setyembre no sadino nga adu dagiti natay ken nagpukaw ti suplay ti kuryente.
