LAOAG CITY – Nagkasar da Bernie Littman, agtawen ti 100 ken Marjorie Fiterman, agtawen ti 102 manipud idiay Philadelphia idi May 19 iti senior living facility a pagnanaedanda.
Ti napagtipon a tawenda ti nangitunda iti pannakagun-odda ti Guinness World Record kas “World’s Oldest Newlyweds.”
Nagam-ammo dagiti dua iti maysa a costume party ken naduktalanda nga agpada dagitoy a nagadal iti University of Philadelphia uray saanda a nagkitkita idi estudianteda pay laeng.
Segun iti apo ni Littman, nabirokan dagiti dua ti ayat iti baet ti tawenda ken nagbalin a naiget ti suportada iti tunggal maysa.
