Nagbalin a naragsak ken emosional dagiti 3 nga agkakabsat idiay Japan idi nangngegda manen ti ama da a ni Otou Katayama a makisarsarita iti ina da a ni Yumi kalpasan ti 23 a tawen a saan da a nagsarsarita.
Daytoy ket kalpasan a nagkiddaw ni Yoshiki, ti agtawen 18 nga inaudi kadagiti tallo nga agkakabsat ti tulong ti maysa programa.
Kaduada ti dua nga in-inauna a kabsatna ken ti host ti nasao a programa ket nagturong dagitoy iti Nara Park.
Malaksid a daytoy, ti napagsaritaan a pagkitaan dagitoy ket iti kanayon a pagpasyaran da.
Gapu iti daytoy, kellaat a nagbalin nga emosional dagiti agkakabsat ken ditoy metten a naamoan da ti rason no apay a saan a nagsarsarita dagiti nagannak kadakuada iti nasurok dua a dekada.
Naamoan a ti kangrunaan a rason a saan a nagkinnaawatan dagiti agasawa ket naawanan ti panawen ni Yumi kenni Otou ken dagiti laeng annak da ti nagpokusan na.
Nupay kasta, ti panagsarita dagiti dua ket su ti pangrugyan ti panaginnurnos dagiti agasawa.
