LAOAG CITY – Nasugsugatan dagiti agasawa a lakay ken baket kalpasan ti aksidente a napasamak iti airport avenue paset ti Bgy. Cabungaan ditoy ciudad ti laoag.
Nabigbig dagiti agasawa a da Mamerto Garo addaan ti legal nga edad ken ti asawa na a ni Leonida agtawen iti 75 agnaed da iti Bgy. 47 Bengcag ditoy ciudad ti Laoag.
Iti inisyal nga imbestigasyon ti PNP-Traffick Division, apagiso a makaruar dagiti agasawa a nakalugan iti kurongkurong manipud iti Bgy. Road ti barangay da iti paset ti Airport Avenue idi ta apagiso a sumungad ti agpadpadaya met a direksyon a kotse nga inturong ti agnagan ti Jestoni Coloma agtawen ti 29 ken agnaed idiay Bgy. Puruganan iti ili ti Dingras.
Ditan a napasamak ti disgrasya a nagsagabaan ti sugat kadagiti nagduduma a paset ti bagi dagiti agasawa ken nakaitarayan da iti hospital.
Manariaan pay laeng ti naun-uneg nga imbestigasyon pakaseknan iti nasao nga aksidente.
