LAOAG CITY – Kinumpirmaran ni Barangay Chairman Elviro Agoo iti Barangay Davila, Pasuquin, Ilocos Norte a naitabon a dagus ti natay a balyena a naisadsad iti igid ti baybay ti nasao a lugar.
Inbatad ni Agoo a nabangsiten ti balyena ken agmanmantekan daytoy.
Segun ti kapitan, ti balyena ket agatiddog ti nasurok a lima a metro ken agdagsen ti 1,500 a kilo.
Innayon na a nagturong a dagus dagiti kameng ti Bureau of Fisheries and Aquatic Resources (BFAR) ken ineksamen da ti balyena kalpasan na ket inpunpon dan daytoy.
