LAOAG CITY – Nakumpiskar ti maipagarup 4,079 board feet ti narra lumber iti inwayat a checkpoint operation dagiti otoridad iti Diadi, Nueva Vizcaya.
Kinarga ti maysa a truck ti agdagup P2.04 million a narra lumber a nailemmeng kadagiti bunga ti niyog.
Basar iti 1st Provincial Mobile Force Company ti Police Provincial Office ti Nueva Vizcaya, ginandat pay a tumakas dagiti driver ken helper ti naso a truck kalpasan nga awan ti maipakitada a dokumento a pammalubos ti panagbiahe kadagiti nadakamat a produkto.
Kabayatanna, addan iti kameng ti Diadi Municipal Police Station ti nakumpiskar a tuck pakairamanan pay dagiti produkto para iti naan-anay nga imbestigasion ken disposision.
