LAOAG CITY – Awan pay unay dagiti mapan aggatang ti paputok ita a bisperas ti paskua ditoy ciudad ti Laoag.
Daytoy ti inbatad ni Mr. Mc Donald Bagaoisan, residente iti Barangay Buttong ditoy ciudad ti Laoag ken aglaklako kadagiti paputok.
Inlawlawag na nga iti agdama ket nakisang pay laeng ti mapaglaklakoan da gapu ta mabilbilang dagiti mapan aggatang.
Inpakaammo na a dakkel ti nagngatoan ti presyo dagiti paputok ita a tawen no ikompara idi 2020 gapu ta awan ti chemical supply iti Bulacan kadagitoy rason nga inpangina da nga isumet ti sinurot da.
Kuna na a 35 a porsiento ti nagngatoan ti presyo dagiti lako da a paputok ita a tawen.
