LAOAG CITY – Addan ti panagsarita ti agkakabsat a Duterte no asino ti sumaruno nga agbabantay iti amada a ni dati a Presidente Rodrigo Duterte kabayatan nga adda iti pasilidad ti International Criminal Court (ICC).
Inbatad ni Vice President Sara Duterte a kadagiti sumaruno nga aldaw ket sumangpet ti kabsatna a ni Representative Paolo Duterte.
Nupay kasta, saanna met a masinunuo no inton ano a makabisita ti maysa pay a kabsatna a ni Davao City Mayor Sebastian Duterte.
Immunan nga inrakurak ti Bise Presidente nga apaman a makumpleto ti legal team ti amana ken adda dagiti sumagmamano a dokumento a nga iyur-urayna ket isunto laengen ti panagsublina ditoy Pilipinas manipud idiay Netherlands.
