LAOAG CITY – Inbaga ni Father Mulbi Yosup iti Muslim Community ditoy ciudad ti Laoag nga ado dagiti maipawil nga aramiden da tunggal selebraran da ti Ramadan.
Kuna na a ti kangrunaan nga ar-aramiden da iti Ramadan nga agpaot ti makabolan ket ti agkararag ken ti agayuno.
Kuna na a karaman ditoy ti saan da a panagipauneg ti aniaman a makan ken saan da pay a mabalin nga uminom manipod iti alas-4:20 ti bigat agingga iti alas-6:15 ti rabii.
Malaksid iti daytoy, kuna pay ni Yosup a naiget a maipawil kadakuada a muslim ti agririri, agsao ti dakes ken agsarita ti saan a nasayaat iti pada da a tao gapu ta ti pammati da ket dakkel daytoy a basol.
Innayon na a dagiti muslim a saan a saan a mangrespetar iti Ramadan ket adda ti pannusa kadakuada ngem saan a ditoy rabaw ti daga ti pakadusaan da no di ket iti sabali a biag.
