LAOAG CITY – Natiliw dagiti aglive-in partner iti naiyuswat a drug buy-bust operation idiay Barangay Cabangaran, Paoay, Ilocos Norte.
Nabigbig Alex Capalungan, agtawen iti 53, negosyante ken ti live-in partner na a ni Malia Linda Pizaro, agtawen iti 52, residente dagitoy iti nasao a barangay.
Naala iti ikot dagiti suspek ti maysa a bassit a sachet ken maysa nga atiddog a sachet a naglaon ti maipagarop a shabu ken ti 500 a pisos a nausar iti operasyon.
Agpada a naglikudan dagiti aglive-in partner ti alegasyon kontra kadakuada.
Inbatad met ni Police Senior Inspector Grandeur Tangonan, ti chief of police iti ili a Paoay a nabayag a minonmonitor da dagiti aglive-in partner sakbay nga inyuswatan da iti operasyon.
