LAOAG CITY – Pinatgan ti International Criminal Court (ICC) ti kiddaw ni dati a Presidente Rodrigo Duterte a saan nga agatendar iti detention hearing daytoy inton bigat, Pebrero 27.
Iti uppat a panid a ruling nga inparuk-at ti International Criminal Court Pre-Trial Chamber 1 nga inaprobaranda ti kiddaw ti agtawen ti 80 a ni Duterte nga i-waive ti karebbenganna nga agatendar iti tinawen a panagdengngeg iti pannakaibaludna.
Naikeddeng daytoy inton bigat, Pebrero 27 iti oras ti alas-2 ti malem idiay The Hague wenno ti maudi nga aldaw ti confirmation of charges hearing ti International Criminal Court.
Innayon pay ti International Criminal Court nga awan iti legal a masakupan ti presensia ti dati a Presidente.
