LAOAG CITY – Agkurkurang ti surgeons iti Governor Roque Ablan Sr. Memorial Hospital.
Segun ken ni Dr. Rogelio Balbas, agretiro ti maysa kadagiti uppat a surgeons ti nasao nga opisina rason nga agkasapulan da ti dua iti nasao a banag.
Nupay kasta, iti agdama ket awan pay dagiti intresado a nag-apply ngem namnamaenda nga adda ti agbalin a sukat ti agretiro a surgeon.
Mainaig iti daytoy, adda ti sumurok-kumurang a 40 a doctor iti agpapaay iti nasao nga ospital.
Kabayatanna, ikarkarigatan da nga ikkan ti doctor dagiti nagduduma a District Hospital ditoy probinsia, babaen iti naiget a panagkoordinarda iti Department of Health ken Mariano Marcos Memorial Hospital and Medical Center.
