LAOAG CITY – Kinumpirmaran ni Mrs. Rosalina Martinez, residente iti Barangay 9 iti ili ti San Nicolas ken maysa kadagiti aglaklako ti karne ti manok iti merkado publiko a bassit ti agsangpet a suplay.
Segun kenni Martinez, no adda ti agsangpet a karne ti manok ket pagbibingayan da nga aglaklako iti merkado.
Inbatad na nga ita a panawen ti tudtudo ket bassit ti suplay da ngem agado met laeng no panawen ti paskua.
Kunana a maysa kadagiti naibaga kenkuana a rason no apay a bassit ti agsangpet a suplay ket bassit met ti taraken.
Mainaig iti daytoy, kuna ni Martinez nga iti agdama ket 200 a pisos ti presyo ti kada kilo ti manok manipud iti 180 a pisos iti kada kilo.
