LAOAG CITY – Naarestar ti maysa a lakay idiay ciudad ti Batac gapu iti kaso na a rape.
Nabigbig ti akusado iti nagan na a Joe, agtawen ti 69, addaan ti asawa ken residente ti Bgy. Billoca iti nadakamat a ciudad.
Segun ken ni P/Supt. Marlon Paiste, Chief of Police ti PNP Batac, naarestar ti suspek iti mismo a pagtaengan da babaen ti bileg ti warrant of arrest nga inyetnag ni Hon. Judge Francisco R.D. Quilala iti RTC First Judicial Region Branch 18 iti ciudad ti Batac.
Rumrumuar a ti bikitma ket maysa a menor de edad ken masikogen.
Innayon ni Paiste nga ita nga aldaw ket isubli da ti warant of arrest iti nangparuk-at a korte kageddan iti panangipakita da ti suspek ken iyuran da metten ti commintment order para iti pannakaipisok na iti pagbaludan.
