LAOAG CITY – Kinumpirmaran ni Mrs. Perlita Cabello, ti mangidadaulo ti City Social Welfare and Development Office a pimmusay ti lakay bayat ti kaadda na iti Care Home iti Barangay Cabungaan-A ditoy ciudad ti Laoag.
Segun kenni Cabello, idi laeng Sabado ket isu ti pannakatay ni Mr.Johnny Dumrique, agtawen ti 62 gapo iti sakit na no sadinno ket adda ti nakita a bukol.
Inlawlawag nga addan iti walo a bulan nga adda ni Dumrique iti Care Home ken daytoy ket nakita da nga agwarang-warang iti asideg ti City Cemetery.
Inbatad na a naduktalan da nga adda ti kabsat ti lakay nga agkaskasera iti Barangay Cabungaan met laeng ngem saanen a naited kenkuana ti bangkay ti maseknan gapo ta rumrumuar a saan na a kinayat.
Nupay kasta, kuanana ti bangkay ti lakay ket nakaimansayag iti pagtaengan ti kasinsin na iti no sadinno daytoy met laeng ti napan nangsarsarungkar iti kenkuana idi sibibiag pay laeng.
Mainaig iti daytoy, inbatad na nga iti agdamag ket adda pay ti pito nga indibidual nga agnanaed iti Care Home.
