LAOAG CITY – Nangaramid ti naisangsangayan a wagas ni Love-lorn Al Gilberti tapno makasarak iti asawa.
Ti agatawen 70 a lalalki, awanan asawa, ken residente iti Sweetwater, Texas ket nagpaaramid ti billboard tapno ipakaammona nga agsapsapul daytoy ti nobia.
Mainaig iti daytoy, ti nagbalin a requirements-na para iti soon to be wife ket masapul a pagugustuanna ti agkaraoke.
Segun ken ni Al, epektibo ti estratehiana gapu ta kalpasan ti dua a lawas a pannakaikabil ti billboard ket nakaawat iti nasurok 400 a tawag iti telepono ken 50 nga email nga agapply kas agbalin nga asawana.
Kabayatanna, situtulok ti lalaki nga agsapul ti partner iti ruar ti Estados Unidos tapno laeng masarakanna ti perfect match-na.
