LAOAG CITY – Nagpangta ni US President Donald Trump nga isardeng ti Amerika ti mangsuporta iti Iraq no mangabak ni dati a Prime Minister Nouri al-Maliki.
Maipalagip a maiyuswat koma idi Enero 27 ti eleksyon tapno agbotos ti presidente ti parliament ti Iraq ngem naitantan gapu ta saan a nakapagtutulag dagiti agpaidasig a para presidente.
Ni Maliki, nga adda ti koneksiyon na iti Iran, ti pinili ti alliance of Shia-led parties kas nominee tapno agbalin a prime minister ti Iraq.
Nupay kasta, nagballaag ni Trump a saan nga usto a desisyon ti panangpili ken ni Maliki, gapu ta iti napalabas a panangidaulo na ket naidagel ti kinarigat ken nagbalin a nariribok ti Iraq.
Nagserbi ni Maliki kas Prime Minister ti Iraq iti nagbaetan ti 2006 ken 2014 a minarkaan ti sectarian violence ken bimmaba iti pwesto kalpasan a sinakop ti Islamic State ti dakkel paset ti pagilian.
