Inanunsio ni Mongolian President Ukhnaa Khurelsukh ti panagbaba na iti puesto ita nga aldaw ti Martes, Nobiembre 17, kalpasan dagiti akusasion ti korapsion ken ti pangta ti impeachment kontra kenkuana.

Mainaig daytoy iti inparuk-at a rakurak ti opisision ti Democratic Party idi Lunes no sadinno iramraman ni Khurelsukh iti kaso a graft ken nagpanawagan a bumaba daytoy iti puesto na kas Presidente wenno sumango iti impeachment iti Parliamento.

Segun ken ni Khurelsukh, awan pangibasaran dagiti nadakamat nga akusasion kenkuana ken bimmaba lattan iti puesto tapno madalusan ti nagan na.

Iti napalabas a bulan, nakita iti estado ti Mongoloa ti riribok iti pulitika ken dagiti tension iti uneg ti panangidaulo ti Mongolian People’s Party (MPP).

Nakita pay iti sumagmamano a demonstrasion ken tignay-protesta dagiti agtutubo iti Ulanbataar no sadinno inpeksa da iti dismaya iti umili nga elitista ken kunada a nasaknap ti kinaawan ti hustisia.

Kabayatanna, naikeddeng a sumukat iti puesto kas Presidente ti Mongolia ti Parliament speaker a ni Sandag Byambatsogt manipud iti Mongolian People’s Party (MPP) iti uneg ti apat a bulan sakbay maisayangkat ti presidential elections.