LAOAG CITY – Pimmusayen ti agtawen ti maysa nga ubing a babai a biktima ti hit and run a ni Tricia Mae Estavillo idiay Barangay Pias Sur, Currimao, Ilocos Norte.
Daytoy ti kinumpirmaran ni Police Captain Michael Permison, ti chief of police iti ili ti Currimao.
Segun kenni Permison, idi laeng kalman, Mayo 5 ket pimmusayen ti biktima bayat nga adda iti ICU ti Mariano Marcos Memorial Hospital and Medical center iti ciudad ti Batac.
Mainaig iti daytoy, kuna ni Permison nga addan dagiti naala ken nareview da a CCTV footage ti nasao a pasamak ngem saan a nalawag.
Inbatad ni Permison nga agpapan ita ket saan pay a simmuko ti driver ti kotse a nakadungpar ti nasao nga ubing.
Kabayatanna, kuna ti hepe a no matiliw da ti suspek ket sumango daytoy ti Reckless Imprudence Resultng in Homicide wenno agdependar ti saritaan da iti pamilya ti biktima.
Maipalagip a basar iti inisyal nga imbestigasyon ti PNP ket bimmallasiw ti lola ti biktima iti kalsada, ken saan na nga ammo a simmaruno kenkuana ti apoko na a rason ti pannakadungpar na.
