LAOAG CITY – Ad-adda pay a limmawa ti airstrike ti Iran kadagiti nagduduma a paset ti Middle East.
Inbatad ni ministry spokesman Reza Talaei-Nik a nakasaganada iti napaut a rinnupak kontra iti Estados Unidos ken Israel.
Inlawlawagna a saanda pay laeng nga us-usaren dagiti advance weapons-da iti panangatake.
Gapu iti daytoy, nagtalinaed a nakaserra ti airspace ti Qatar no sadinno a sumurok walo a ribu nga indibidual ti na-stranded.
Kinondenar met ti United Nations ti agtultuloy a gubat idiay Iran a naruay nga ubbing ti naipadamag a nairamraman.
Mainaig iti daytoy, inpetteng ni United States President Donald Trump a saan nga inallukoy isuda ti Israel a rauten ti Iran.
Ammo ni Trump a saan nga interesado ti Iran para iti negosasion isut gapuna a nagdesision met daytoy a rauten ti Iran.
Naladawen ti kiddaw ti Iran a maaddaan manen ti panagsinnarita gapu ta kumarkaron ti gubat.
