LAOAG CITY – Nangilatag ti Akbayan Party-list ti salinong a gakat nga House Bill 9929 “Lived Identities and Recognition Act” wenno naawagan a “Sharmaine Bill,” kas paset ti panangselebrar iti Pride Month.
Inbatad ni Akbayan Rep. Perci Cendaña a gagem ti nadakamat a bill ti pannakabigbig ti kina-siasinno man dagiti transgender, intersex ken non-binary Filipinos tapnu masukatannda ti legal a naganda ken gender marker.
Innayonna pay nga adu dagiti trans ken intersex Filipinos ti makapaspasar ti diskriminasion mainaig iti naganda a nakaipalaon iti legal a dokumentoda.
Nakaipalaon ti nadakamat a salinong a gakat a mabalin nga masabalian ti nagan ken dadduma pay a detalye iti dokumento a saanen a dumalan ti naatiddog ken nagastos a proseso iti korte.
