LAOAG CITY – Inlawlawag ti Department of Education (DepEd) a manipud Grade 8, maisauro kadakuadan ti aktwal a panagusar ti contraceptives wenno ti proteksion iti pannakinaig.
Daytoy ket kalpasan a sinaludsod ni Akbayan Rep. Perci Cendaña no karaman iti reproductive health education a kalikagum ti departamento ti umno a panagusar ti condom.
Mainaig iti daytoy, segun ken ni Cendaña, manarimaan ti problema iti teenage pregnancy ken HIV pakairamanan pay dagiti insidente ti kinaranggas kadagiti pagadalan no sadinno ket masapol dagitoy a maikkan ti naan-anay a solusion.
Gapu iti daytoy, inbatad ni Education Secretary Sonny Angara a paset ti curriculum ti responsible reproductive health dagiti umno nga aramiden tapno maliklikan ti saan a planado a panagsikog dagiti ubbing.
