LAOAG CITY – Dakkel ti posibilidad na nga awanen idiay Estados Unidos ni Ako Bicol party-list Rep. Zaldy Co.
Basar iti report ti US Customs and Border Protection, idi Agosto 26, 2025 a nakasangpet ti agpanpanday-linteg idiay New York.
Naipaayan daytoy ti tourist visa agingga iti Pebrero 25, 2026.
Rumrumuar a kalpasan ti 19 nga aldaw ket pimmanaw ti kongresista idiay New York.
Saan met a masigurado ni Speaker Faustino “Bojie” Dy III, no adda idiay Europa ni Co.
Ummunan nga inbatad ti pannakangiwat ti House of Representatives nga adda iiday Amerika ni Co gapo ta agpapaagas iti sakit na.
Ummunan a kinanselar ni Speaker Dy ti travel order ni Co ken pagsubsublien na daytoy iti pagilyan tapno sungbatan ti isyu ti budget insertion iti 2025 national budget.
Maipalagip nga inbutaktak dagiti contractor-couple a Curlee ken Sarah Discaya iti Senate Blue Ribbon Committee a karaman ni Co kadagiti nagawat ti kickback manipud iti flood control projects.
