LAOAG CITY – Natay ti maysa a pasyente idinto nga 44 ti baro a kaso ti COVID-19 ditoy probinsya.
Segun ti gobyerno probinsyal, ti pimmusay ket ni IN-C3275, lalaki, agtawen ti 49 ken residente iti Brgy. Madamba, iti ili ti Dingras.
Manipud kadagiti baro a kaso, 19 ditoy siudad ti Laoag, 10 iti ili ti Bangui, uppat iti siudad ti Batac, sagtatallo iti Paoay ken Badoc, dua iti San Nicolas, ken saggaysa iti Dingras, Pinili ken Sarrat.
Gapu iti daytoy, umabot iti 3733 ti kaso nga addaan iti 693 nga aktibo a kaso ken 64 a pimmusay.
Nalaingan ti 10 a pasyente rason nga umabot iti 2976 ti recoveries.
Iti mainaig a damag, umuna iti ili ti Bangui a kaaduan ti aktibo a kaso nga umabot iti 176 a pasyente, idinto a sumaruno ditoy siudad ti Laoag nga addaa iti 175 a pasyente.
Maikatlo met iti listaan ti San Nicolas nga addaan iti 71 nga aktibo a kaso, 66 iti siudad ti Batac, 42 iti ili ti Badoc, 20 iti Dingras, 19 iti ili ti Pasuquin, 18 iti Sarrat, 16 iti Pagudpud, agpada a 15 iti Bacarra ken Currimao, 12 iti ili ti Paoay ken 10 iti ili ti Piddig.
Nagtalinaed met nga umuna ditoy siudad a kaaduan ti kaso nga umabot iti 1364, sumaruno iti ili ti San Nicolas nga addaan iti 451, maikatlo ti Bacarra nga addaan iti 317 a kaso, 284 iti siudad ti Batac ken 245 iti Bangui.
