LAOAG CITY – Inbatad ni Department of Justice Sec. Jesus Crispin Remulla nga adda ti maysa nga aktibo nga Heneral ti Pulisya a pakairamanan ti isyu ti ‘missing sabungeros case’.
Segun iti Justice Secretary, ti nasao nga opisyal ti Philippine National Police ket isu ti timmulong kadagiti suspek iti pannakapukaw dagiti mammallot.
Inlawlawag na a nadutukan pay daytoy kas Regional Director a saan a rumbeng a maipan iti nadakamat a puwesto.
Inpetteng na nga iti pannakaiyakar ti heneral nga itan ket regional director ken intugot na pay dagiti suspek a tapno agbalin a parte iti opisina na.
Nupay kasta, saan pay laeng nga inbutaktak ni Justice Secretary Remulla ti nagan ti nasao nga heneral.
Malaksid iti aktibo nga heneral, nadakamat pay ti sekretaryo ti naipataw a suspensyon kenni dati a Philippine National Police Criminal Investigation and Detection Group Director General Romeo Macapaz.
Kuna na pay nga adda ti gandat a baliwan ti teorya ti imbestigasyon iti pannakapukaw dagiti sabungero.
Kabayatanna, inbatad ni Department of Justice Prosecutor General Richard Anthony Fadullon nga ita ket manamnama a maisyu ti subpoena seknan iti ‘missing sabungeros case’.
Innayon na a kalpasan ti ‘evaluation’ iti reklamo nga inpila dagiti pamilya dagiti biktima ket ti panangipatulod ti ‘subpoena’ kadagiti respondents.
Karaman kadagiti respondents ti negosyante a ni Charlie ‘Atong’ Ang a naiget naanaglikudan nga adda ti pakainaigan na iti isyu.
