LAOAG CITY – Inbatad ti aktor a ni Benjamin Alves a kayat nan ti agbalin a maysa nga ama.
Segun iti aktor, kayat na a mapadasan ti ibagbaga dagiti nagannak a kanayun a magagaran nga agawid iti balay manipod iti trabaho gapu ta adda ti anak da nga agur-uray kadakuada.
Kuna na a nakita na ti panagbalin nga ama ti dadduma a co-actor na kas ken ni Mike Tan, ken kayatna daytoy a mapadasan.
Nangipaay met ni Benjamin ti mensahe iti agbalin nga anak na no sadinno nga inbatad na a mangnamnama nga agbalin a proud kenkuana ken isuna ti rason no apay a naragsak ken amin nga ar-aramiden na ket para kenkuana.
Maipalagip a nagkasar da Benjamin ken ti asawa na a ni Chelsea Robato idi laeng Enero ita a tawen.
