LAOAG CITY – Naikitikit ti Alas Pilipinas Men dagiti nagan da iti history books kalpasan ti makapagagar a 29-27, 23-25, 25-21, 25-21 kontra iti Egypt iti 2025 FIVB Men’s Volleyball World Championship a naisayangkat idi rabii iti Mall of Asia Arena.
Daytoy ti kaunaan a panangabak ti Alas Pilipinas Men iti pakasaritaan ti FIVB World Championship.
Binansagan ti Pilipinas da Bryan Bagunas ken Leo Ordiales tapno makabangon manipod iti straight-sets a pannakaabak iti Tunisia idi Biyernes ken dimmur-as ti 1-1 iti Pool A idinto a ti African champion Egypt ket natnag iti similar card.
Intultuloy ni Bagunas ti all-around brilliance, nakaaramid ti 25 points a nakaangkla iti 23 attacks ken dua a blocks idinto a ni Ordiales ti nangsubbot iti dua-point outing-na iti napalabas nga ay-ayam da kalpasan a naka-post iti 21 markers iti daytoy a gundaway.
Nakairekord met ni Marck Espejo ti 13 markers, a naitampok iti game-winning block ken ni Elhossiny Eissa iti fourth set a nangrikep para iti Pilipinas.
