Saan a pudno ti alegasion ni dati a Sen. Antonio Trillanes IV mainaig iti mapapati a pannakisaritana dagiti pannakabagi ti International Criminal Court (ICC) kadagiti dati ken aktibo nga opisial ti Philippine National Police (PNP) mainaig iti kampania kontra iti illegal a droga ti napalabas nga administrasion ni Duterte.
Segun kenni Philippine National Police Public Information Officer Chief PCol. Jean Fajardo, a saanda ammo no sadino ti naggapuan ti impormasion ti dati a mammanday-linteg.
Kalpasanna, binallaagan ti Philippine National Police a mabalin a matiliw ti asinoman nga opisial ti polisia a makiuman iti International Criminal Court nga awan ti pammalubos manipud iti lideratoda.
Kinunana, mabalin a maibilang daytoy a panaglabsing iti Chain-of-Command-da.
Kabayatanna, inpaganetget ni Fajardo a masapul nga umuna nga aprobaran ti liderato ti Philippine National Police ti tunggal statement nga iruarda.
