LAOAG CITY – Bimmaba iti maysa a puesto ni Filipina tennis star a ni Alexandra “Alex” Eala iti No. 19 iti baro a Women’s Tennis Association (WTA) official rankings a naiparuk-at ita laeng nga aldaw.
Manipud iti career high-na a No. 18 idi Agosto, addaan laeng daytoyen ti puntos a 2,241.
Mainaig iti daytoy, ti panagbaba ni Eala iti ranking ket ti panagngato met ti Belgian tennis player a ni Elise Martens manipud No. 19 nga immaksaw iti No. 14.
Iti baet daytoy, ni Eala pay laeng ti adda iti kangatoan a ranggo iti pakasaritaan ti South East Asia iti Women’s Tennis Association tour.
Kabayatanna, nangrugin ti kampanya ni Eala iti 1000 Wuhan Open para iti baro manen a pannakilabanna kontra kadagiti tennis player iti intero a lubong.
